انصار: (د لیندۍ ۲۲مه)، د اقلیمي بدلون د خدماتو ادارې کورپرنیک د راپور له مخې، د ۲۰۲۴ کال نوومبر په تاریخ کې دوهمه نوومبر میاشت وه چې تر ټولو پکې د تودوخې درجه لوړه وه.
د سږني نوومبر د تودوخې درحه یوازې د ۲۰۲۳ کال تر نوومبر څخه ټیټه وه.
د کوپرنیک پر اساس، چې د نړۍ د هوا درجې څاري او یوه اروپايي اداره ده، په ۲۰۲۳ او ۲۰۲۴ کې د نوومبر د میاشتې د تودوخې د درجې اوسط په تاریخ کې له ثبت شویو درجو سره د پرتلې نه دی.
له ۱۹۹۱ څخه تر ۲۰۲۰ پورې د دې میاشتې د تودوخې د اوسط په پرتله د ۲۰۲۴ کال د نوومبر د تودوحې درجه د سانتي ګراد ۰.۷۳ درجې توده وه.
د C3S په راپور کې راغلي: په داسې حال کې چې یوازې د ۲۰۲۴ کال پای ته رسېدو لته څه کم یوه میاشت پاته ده، په ډاډ سره ویل کېدای شي چې ۲۰۲۴ کال د ۲۰۲۳ کال په پرتله ګرم و او له همدې امله د تاریخ تر ټولو ګرم کال بلل کېږي.
اوس داسې ښکاري چې د نړۍ تودوخه تر صنعتي انقلاب مخکې وخت د تودوخې په پرتله د سانتي ګراد تر ۱.۵ درجې کم ساتلو احتمال نه شته. دا هغه څه دي چې د پاریس تړون کې پرې سلا شوې وه.
د نوومبر تودوخې ته په پام، ۲۰۲۴ کال به لومړنی کال وي چې تودوخه یې د سانتي ګراد تر ۱.۵ درجو پورته وي، ځکه د ۲۰۲۳ کال تودوخه تر دې یوازې ۰.۰۲ درجې ټیټه وه.
د تېر کال د تودوخې د بې ساري زیاتوالي یو دلیل د ال نینو پېښه وه چې د استوایي اقیانوس په سیمو کې د تودو اوبو د راټولېدو سبب شوه او په پایله کې یې د نړۍ د هوا تودوخه لوړه شوه. ال نینو د ۲۰۲۴ کال په مې کې پای ته ورسېد، او ځینې کارپوهان وړاندوینه کوي چې د ال نینو معکوسه موسمي پېښه، چې پکې د اقیانوس په هماغه برخه کې کنګلونه ویلي او راټولیږي، ژر پېښېدونکې ده. خو د اټکلونو برعکس، دا ښايي د ادوبي په پای یا د مني په فصل کې وشي، خو تر اوسه یخ موسمي پېښې نه دي شوي.
دې پېښې کارپوهان حیران کړي دي.
په راپور کې همداراز ویل شوي چې د ۲۰۲۴ کال دوبی د نړۍ تر ټولو ګرم اوړی و.
URL تعقيب: https://www.ansarpress.com/pashto/34792
د فرشتې کوهستاني او د هغه د ورور مړي خاورو ته وسپار شول